సామాజిక రంగంలో స్థిరపడాలనుకునే అభ్యర్థులకు టిస్ అత్యుత్తమ ప్రమాణాలతో పోస్టు గ్రాడ్యుయేట్‌ కోర్సులను అందిస్తోంది. సోషల్‌ వర్క్‌, ఎడ్యుకేషన్‌, మేనేజ్‌మెంట్‌ కోర్సులకు సమాన ప్రాధాన్యం ఇస్తోంది.
2012-14 సంవత్సరానికి వివిధ పీజీ కోర్సుల్లో ప్రవేశానికి టిస్ నోటిఫికేషన్‌ విడుదల చేసింది.
టిస్ అందిస్తోన్న కోర్సులు చేసినవారికి సామాజిక సేవా సంస్థలు, కంపెనీల సీఎస్‌ఆర్‌ విభాగాలు, స్వచ్చంధ సంస్థల్లో ఉద్యోగ అవకాశాలు ఉంటాయి.
సామాజిక రంగానికి అవసరమైన సమగ్ర కోర్సుల రూపకల్పన, శిక్షణలో టిస్ దేశంలోనే అగ్రశ్రేణి సంస్థ. అనేక పీజీ కోర్సులకు ప్రవేశాల సమయంలో అర్హతల కంటే అభ్యర్థుల ఆసక్తికి టిస్ ఎక్కువగా ప్రాధాన్యం ఇస్తోంది. స్కూల్‌ ఆఫ్‌ హెల్త్‌ సిస్టమ్స్‌ అందించే కోర్సులు మినహాయిస్తే, మిగిలిన కోర్సులకు గ్రాడ్యుయేట్లందరూ అర్హులు.
టిస్ అందిస్తోన్న పీజీ కోర్సులు...
* ఎం.ఎ.: సోషల్‌ వర్క్‌/ సోషల్‌ వర్క్‌ ఇన్ డిసెబిలిటీ స్టడీస్‌ అండ్‌ యాక్షన్‌/ చిల్డ్రన్‌ అండ్‌ ఫ్యామిలీస్‌/ క్రిమినాలజీ అండ్‌ జస్టిస్‌/ గ్లోబలైజేషన్‌ అండ్‌ లేబర్‌/ హ్యూమన్‌ రిసోర్సెస్‌ మేనేజ్‌మెంట్‌ అండ్‌ లేబర్‌ రిలేషన్స్‌/ సోషల్‌ ఎంటర్‌ప్రెన్యూర్‌షిప్‌/ కౌన్సెలింగ్‌/ డెవలప్‌మెంట్‌ స్టడీస్‌/ ఎడ్యుకేషన్‌ (ఎలిమెంటరీ)/ విమెన్స్‌ స్టడీస్‌/ మీడియా అండ్‌ కల్చరల్‌ స్టడీస్‌/ సోషల్‌ వర్క్‌ ఇన్ రూరల్‌ డెవలప్‌మెంట్‌/ దళిత్‌ అండ్‌ ట్రైబల్‌ స్టడీస్‌/ మెంటల్‌ హెల్త్‌/ పబ్లిక్‌ హెల్త్‌ మొదలైనవి.
* మాస్టర్‌ ఆఫ్‌ హెల్త్‌ అడ్మినిస్ట్రేషన్‌
* మాస్టర్‌ ఆఫ్‌ హాస్పిటల్‌ అడ్మినిస్ట్రేషన్‌
* మాస్టర్‌ ఆఫ్‌ పబ్లిక్‌ హెల్త్‌ ఇన్ హెల్త్‌ పాలసీ, ఎకనమిక్స్‌ అండ్‌ ఫైనాన్స్‌
* మాస్టర్‌ ఆఫ్‌ పబ్లిక్‌ హెల్త్‌ ఇన్ సోషల్‌ ఎపిడెమియాలజీ
* ఎం.ఎ./ ఎం.ఎస్‌సి.: డిజాస్టర్‌ మేనేజ్‌మెంట్‌
ఎంపిక విధానం
వివిధ పీజీ ప్రోగ్రామ్‌లలో ప్రవేశానికి టిస్ నేషనల్‌ ఎంట్రన్స్‌ టెస్ట్‌ (టిస్ నెట్‌)ను నిర్వహిస్తోంది. ప్రొఫెషనల్‌ కోర్సుల్లో ప్రవేశానికి పాటించే వడపోత విధానాన్ని టిస్ సామాజిక శాస్త్రాలకు అనుసరిస్తోంది. రాత పరీక్ష, గ్రూప్‌ డిస్కషన్‌, ఇంటర్వ్యూల ఆధారంగా అభ్యర్థులను ఎంపిక చేస్తారు. రాత పరీక్షలో రెండు విభాగాలుంటాయి. మొదటి విభాగంలో జనరల్‌ అవేర్‌నెస్‌, ఎనలిటికల్‌/ లాజికల్‌ రీజనింగ్‌, వెర్బల్‌ రీజనింగ్‌ అంశాల నుంచి ఆబ్జెక్టివ్‌ ప్రశ్నలుంటాయి. రెండో విభాగంలో అభ్యర్థి ఎంచుకున్న సబ్జెకుకు సంబంధించిన ప్రశ్నలు అడుగుతారు. ఇందులో ప్రోగ్రామ్‌ను బట్టి ఆబ్జెక్టివ్‌, డిస్క్రిప్టివ్‌ ప్రశ్నలు ఉంటాయి.
మొత్తం 170 మార్కులకు ఎంపిక పరీక్షలు ఉంటాయి. ఇంటర్వ్యూకు 70 మార్కులు, గ్రూప్‌ డిస్కషన్‌కు 30, రాత పరీక్షకు 70 మార్కులు కేటాయిస్తారు. గ్రూప్‌ డిస్కషన్‌లు లేని ప్రోగ్రామ్‌లకు రాతపరీక్షకు 100 మార్కులు, ఇంటర్వ్యూకు 70 మార్కులు కేటాయిస్తారు.
* ఏదైనా గ్రాడ్యుయేషన్‌ డిగ్రీ ఉన్న అభ్యర్థులు ఈ కోర్సులకు దరఖాస్తు చేసుకోవచ్చు. చివరి సంవత్సరం కోర్సు చదువుతున్న అభ్యర్థులు స్కూల్‌ ఆఫ్‌ హెల్త్‌ సిస్టమ్స్‌, హెల్త్‌ అడ్మినిస్ట్రేషన్‌, హాస్పిటల్‌ అడ్మినిస్ట్రేషన్‌, పబ్లిక్‌ హెల్త్‌ కోర్సులు తప్ప మిగతావాటికి అర్హులు.
* అభ్యర్థులు గరిష్ఠంగా ఏవైనా మూడు కోర్సులకు దరఖాస్తు చేసుకోవచ్చు. మనరాష్ట్రంలో హైదరాబాద్‌లో మాత్రమే రాతపరీక్ష కేంద్రం ఉంది.
* అభ్యర్థులు టిస్ వెబ్‌సైట్‌ ద్వారా ఆన్‌లైన్‌ లో మాత్రమే దరఖాస్తు చేసుకోవాలి.
పూర్తిచేసిన దరఖాస్తులు చేరడానికి చివరితేదీ: 29 అక్టోబరు 2011.
* రాత పరీక్ష తేదీ: 4 డిసెంబరు 2011.
No comments:
Post a Comment