ఇంజినీరింగ్‌ రెండో విడత కౌన్సెలింగ్‌ 5 నుంచి!

 
హైదరాబాద్‌, న్యూస్‌టుడే:  ఎంసెట్‌ ఇంజినీరింగ్‌ మలివిడత కౌన్సెలింగ్‌ సెప్టెంబరు  5 వ తేదీ నుంచి 8 వ  తేదీ మధ్య నిర్వహించనున్నారు.

9 వ తేదీన సీట్లు కేటాయిస్తారు.

రెండో విడత కౌన్సెలింగ్‌ను తొలుత సెప్టెంబరు 3వ తేదీ నుంచి ప్రారంభించాలని భావించారు. పీజీఈసెట్‌, ఎడ్‌సెట్‌ కౌన్సెలింగ్‌ తేదీలను పరిగణనలోకి తీసుకుని ఇంజినీరింగ్‌ కౌన్సెలింగ్‌ తేదీల్లో మార్పు చేశామని ఉన్నత విద్యా మండలి అధ్యక్షుడు జయప్రకాష్‌రావు వెల్లడించారు.

ఐసెట్‌కు 75వేల మంది గైర్హాజరు:

ఐసెట్‌-2011 ప్రవేశాల్లో భారీగా సీట్లు మిగలనున్నాయి.

1,26,454 మంది అర్హత సాధించగా 51వేల మంది ధ్రువీకరణ పత్రాల పరిశీలనకు వచ్చారు. 75వేల మంది గైర్హాజరయ్యారు.

3, 4 తేదీల్లో పాలిటెక్నిక్‌ కౌన్సెలింగ్‌:

పాలిటెక్నిక్‌ మలివిడత కౌన్సెలింగ్‌ (సీప్‌-2011) వచ్చేనెల 3,4 తేదీల్లో జరగనుంది.

అదే నెల 5న సీట్లు కేటాయిస్తారు.

తొలివిడత కౌన్సెలింగ్‌లో 8వేల వరకు సీట్లు మిగిలాయి.