ఈ పరీక్షను గ్రాడ్యుయేట్‌ మేనేజ్‌మెంట్‌ అడ్మిషన్‌ కౌన్సిల్‌ (జీమ్యాక్‌) నిర్వహిస్తోంది. జీమ్యాట్‌ రాసే భారతీయ విద్యార్థుల కోసం జీమ్యాక్‌ ప్రత్యేకంగా పేరుతో ఓ వెబ్సైట్ ను రూపొందించడం విశేషం.
భారతదేశంలోని ఐఎస్‌బీ, ఎక్స్‌ఎల్‌ఆర్‌ఐ, ఐఐఎంలు, అనేక ఇతర ప్రతిష్ఠాత్మక బిజినెస్‌ స్కూళ్లు కూడా జీమ్యాట్‌ స్కోరును ఆమోదిస్తున్నాయి. దీనితోపాటు మనదేశంలో జీమ్యాట్‌ విద్యార్థులకు ఉండే విద్యావకాశాల పూర్తి సమాచారం ఈ వెబ్‌సైట్‌లో లభిస్తుంది.
మనదేశంలో జీమ్యాట్‌ రాసే అభ్యర్థుల సంఖ్య ఇటీవలి కాలంలో బాగా పెరుగుతోంది. జీమ్యాట్‌ను ఆమోదించే సంస్థల సంఖ్య కూడా గణనీయంగా అధికమవుతోంది. దీన్ని దృష్టిలో ఉంచుకొని జీమ్యాక్‌ ప్రత్యేకంగా www.mba.com/india వెబ్‌సైట్‌ను రూపొందించింది. దేశంలో మూడువేల పైచిలుకు బిజినెస్‌ స్కూళ్లు ఉన్నాయి. వీటిలో అంతర్జాతీయ ప్రమాణాలతో కోర్సులను నిర్వహిస్తోన్న సంస్థలు చాలా తక్కువ. కఠినమైన ప్రవేశ పరీక్షగా పేరున్న జీమ్యాట్‌లో మంచి స్కోరు సాధిస్తే ప్రతిష్ఠాత్మక సంస్థల్లో మేనేజ్‌మెంట్‌ కోర్సులు చదవచ్చు.
జీమ్యాట్‌ ఇండియా వెబ్సైట్ ద్వారా మనదేశంలో జీమ్యాట్‌ స్కోరు ఆధారంగా ప్రవేశం కల్పించే బిజినెస్‌ స్కూళ్ల వివరాలు తెలుసుకోవచ్చు. వివిధ అంశాల్లో నాణ్యతా ప్రమాణాల ఆధారంగా బిజినెస్‌ స్కూళ్లను వర్గీకరించి ఈ వెబ్‌సైట్‌లో అందుబాటులో ఉంచారు. జీమ్యాట్‌ను ఆమోదించే ఆయా బిజినెస్‌ స్కూళ్ల ప్లేస్‌మెంట్‌ వివరాలు కూడా ఈ వెబ్‌సైట్‌లో లభిస్తాయి. జీమ్యాట్‌ ఆధారంగా అంతర్జాతీయ స్థాయి బిజినెస్‌ స్కూళ్లలో మేనేజ్‌మెంట్‌ కోర్సులు చేయాలనుకునే విద్యార్థులకు ఈ వెబ్సైట్ చాలా ఉపయోగపడుతుంది.
ప్రముఖ బిజినెస్‌ స్కూళ్లలో ఎంబీఏ చేయడానికి అయ్యే ఫీజుల వివరాలను కూడా ఇందులో పొందుపరచారు. విదేశీ యూనివర్సిటీలతో భాగస్వామ్య ఒప్పందాలను ఏర్పరచుకోవడం ద్వారా మేనేజ్‌మెంట్‌ ప్రోగ్రామ్‌లను నిర్వహిస్తోన్న సంస్థల సమాచారం ఈ సైట్‌లో లభిస్తుంది. భారతదేశంలో ఎంబీఏ చేయాలంటే సంస్థను బట్టి ఖర్చు రూ.7 లక్షల నుంచి రూ.25 లక్షల వరకు ఉంటుంది. మేనేజ్‌మెంట్‌ కోర్సులకు అందుబాటులో ఉన్న రుణ సదుపాయాలు, సంబంధిత నియమ నిబంధనలను తెలుసుకోవచ్చు.
జీమ్యాట్‌ స్కోరు ఆధారంగా ప్రవేశం కల్పిస్తోన్న ప్రముఖ బిజినెస్‌ స్కూళ్లు కొన్ని...
* ఇండియన్‌ స్కూల్‌ ఆఫ్‌ బిజినెస్‌, హైదరాబాద్‌
*ఇండియన్‌ ఇన్ స్టిట్యూట్స్‌ ఆఫ్‌ మేనేజ్‌మెంట్‌ (ఐఐఎంలు): అహ్మదాబాద్‌, బెంగళూరు, కలకత్తా, ఇండోర్‌, లక్నో
* ఎక్స్‌.ఎల్‌.ఆర్‌.ఐ, జంషెడ్‌పూర్‌
* టాటా ఇన్ స్టిట్యూట్‌ ఆఫ్‌ సోషల్‌ సైన్సెస్‌, ముంబాయి
* ఎస్‌పీ జైన్‌ ఇన్ స్టిట్యూట్‌ ఆఫ్‌ మేనేజ్‌మెంట్‌ అండ్‌ రిసెర్చ్‌, ముంబాయి
* నార్సీ మోంజీ ఇన్ స్టిట్యూట్‌ ఆఫ్‌ మేనేజ్‌మెంట్‌ స్టడీస్‌, ముంబాయి
* ఐఐఎఫ్‌టీ, న్యూఢిల్లీ
* వీఐటీ బిజినెస్‌ స్కూల్‌, వీఐటీ యూనివర్సిటీ
* గీతం స్కూల్‌ ఆఫ్‌ ఇంటర్నేషనల్‌ బిజినెస్‌, విశాఖపట్నం * ఆచార్య గ్రూప్‌ ఆఫ్‌ ఇన్ స్టిట్యూషన్స్‌, బెంగళూరు
* ఇక్ఫాయ్‌ బిజినెస్‌ స్కూల్‌, హైదరాబాద్‌ * మేనేజ్‌మెంట్‌ డెవలప్‌మెంట్‌ ఇన్ స్టిట్యూట్‌, గుర్గావ్‌
No comments:
Post a Comment